ॐ
- असंच असतं... असंच असतं...,
- ‘मी म्हणतो तेच बरोवर असतं, तुला काहीच कळत नसतं',
- जग सगळं याच भ्रमात असतं! ॥
- पण प्रत्येकाचं एक मन असतं, इच्छा आवडीचं एक जग असतं
- अनुभवांच एक विश्व असतं, त्यानुसार त्याचं म्हणणं असतं ॥
- गतानुगतिकत्व हेच बहुतेकांचं जीवन असतं
- अज्ञात धाडसी जीवनास मन बहुधा भीत असतं ।
- पण त्यातूनच काही भव्य-दिव्य साकारत असतं!!
- आणि हेच दुर्बल मन मात्र नाकारत असतं ॥
- प्रत्येक जीव ईश्वराचा अंश असतं
- प्रत्येकाचं शरीर ईश्वरी शक्तिचं आगर असतं
- जीवाच्या सत्-संकल्पांना ईश्वराचं अधिष्ठान असतं
- प्रेरणा अन सामर्थ्याचं वरदान असतं ॥
- फक्त एक पाऊल धाडसाचं..., तेच जीवानं टाकायचं असतं
- अन् त्यापुढील वाट, ईश्वर कशी चालवितो, ते फक्त अनुभवायचं असतं ॥
- आजवरच्या निष्ठा अन् अनुभवातून, थोर दिव्य जीवनांतून,
- हेच धाडस अंगी बाणवायचं असतं...
- ऐशापरी जीवन सार्थकी लावायचं असतं
- सामान्यातून असामान्य ठरायचं असतं ॥
- अशा ध्येयवेड्या जीवनास कृष्णदासाचं नमन असतं!
कृष्णदास
✦ ✦ ✦
॥ निजबोधमठी गुंजारव गीती, श्री गुरुदत्त कृष्ण सरस्वती ॥
✦ ✦ ✦
हे पृष्ठ आपल्या मित्र-परिवारांसोबत शेअर करा
⬆